კავკასიის კვლევითი რესურსების ცენტრის საქართველოს ოფისში შეიქმნა მონაცემთა ონლაინ ანალიზის პროგრამა: Online Data Analysis (ODA).  ODA-ს საშუალებით ადვილად ხელმისაწვდომი გახდა კვლევის შედეგები და აღარ არის საჭირო ისეთი სტატისტიკური პროგრამების გამოყენება, როგორიც არის SPSS და STATA.

ODA-ს გამოყენება ძალიან მარტივია. თითის ერთი დაჭერით, თქვენ შეგიძლიათ აირჩიოთ გამოკითხვაში დასმული თქვენთვის საინტერესო კითხვა და ნახოთ შედეგები გრაფიკის და ცხრილის სახით. შესაძლებელია აგრეთვე გრაფიკების  ჩამოტვირთვა სხვადასხვა ფორმატში (pdf, jpeg, png, svg) და ცხრილების შენახვა ექსელის ფორმატში.

მონაცემთა ონლაინ ანალიზის პროგრამით ამჟამად ხელმისაწვდომია „კავკასიის ბარომეტრის“ 2009 და 2010 წლების საქართველოს, სომხეთისა და აზერბაიჯანის მონაცემები. აგრეთვე, „მედიის კვლევის“ 2009 და 2011 წლის მონაცემები და „ევროკავშირის მიმართ დამოკიდებულებისა და ცოდნის შეფასების კვლევის“ 2009 და 2011 წლის მონაცემები. დროთა განმავლობაში ამ ბაზებს დაემატება სხვა, ახალი გამოკითხვების შედეგები.  

მონაცემთა ონლაინ ანალიზის პროგრამა შეგიძლიათ ნახოთ აქ: http://crrc.ge/oda.

(გრაფიკიODA-დან: კავკასიის ბარომეტრი 2010, საქართველო)